INNEBO
Volver ao blog
Software ERP
DECAX, la aplicación de INNEBO que emite el DeCA digital de cada envío: QR siempre vigente, matrícula desde el móvil, con o sin ERP

DECAX xa está funcionando: a aplicación de INNEBO que emite o DeCA dixital de cada envío

DECAX xera o DeCA de cada envío por estrada lendo os albarás do teu ERP ou con envíos dados de alta nun panel. O transportista pon a matrícula desde o móbil e o documento leva un QR sempre vixente.

28 de outubro de 20263 min de lectura

Desde o 5 de outubro de 2026 o documento de control administrativo (DeCA) do transporte de mercadorías por estrada ten que ser electrónico (resumo da norma). En INNEBO xa temos funcionando a aplicación DECAX para emitilo.

Que fai DECAX

DECAX xera o DeCA de cada envío por estrada, lendo os albarás do teu ERP ou con envíos que das de alta nun panel.

  • Con ERP ou sen el: os envíos chegan sós desde o ERP ou dánse de alta a man no panel. Con Innex funciona directamente.
  • Matrícula desde o móbil: o transportista recibe unha ligazón por WhatsApp ou por email, escribe a matrícula e o documento queda emitido. Sen usuario nin contrasinal.
  • QR sempre vixente: o documento imprímese ou vai no móbil do condutor; quen o inspecciona escanea o QR e ve a versión vixente. Se algo cambia (outro remolque, un enderezo corrixido), xérase unha versión nova e o QR leva sempre a ela.
  • Corríxese na orixe: o que falta ou está mal arránxase desde DECAX e, se tes ERP, queda gardado tamén alí.
  • Avisos a tempo: avísate se un envío vai saír sen documento.
  • Tamén sen internet: se cae a conexión da oficina, emite o DeCA igualmente e súbeo cando volve.
  • Perfís de usuario: administración, expedición e só consulta.

Convén saber

  • DECAX é un produto independente e non necesita ERP.
  • Só trata envíos nacionais: os internacionais levan CMR e DECAX non os amosa.
  • Non envía nada á Administración: a inspección faise escaneando o QR do documento.
  • Os primeiros en usalo son salas de despece e matadoiros de Galicia.

Cantos documentos tecleades cada día? Consulta a ficha de DECAX ou pide unha demo de 30 minutos, con envíos coma os teus.