Os documentos de control dos teus envíos, listos para o condutor
DECAX xera o DeCA de cada envío por estrada, lendo os albarás do teu ERP ou con envíos que das de alta no panel. Imprímese ou vai no móbil do condutor, cun QR que sempre leva á versión vixente.

Datos de exemplo dunha empresa ficticia.
O documento de control xa é electrónico
Desde o 5 de outubro de 2026, cada transporte de mercadorías por estrada ten que levar o seu documento de control en formato electrónico. Teclealo a man por cada envío custa horas a expedición, e saír cun dato incompleto pode acabar en multa.
Se traballas cun ERP, DECAX sácao do que xa ten: o albará e a folla de carga de sempre. Se non, das de alta o envío directamente en DECAX.
Como funciona
Fas o albará no teu ERP, ou das de alta o envío en DECAX
Con ERP, DECAX leo só, sen copiar nada nin cambiar a forma de traballar. Sen ERP, enches o envío no panel.
O envío aparece no panel co seu estado
Documento emitido, falta a matrícula, faltan datos ou finalizado: dunha ollada sabes que camión pode saír.
Se falta un dato, corríxese desde DECAX
O CIF do transportista ou a poboación do destino arránxanse en DECAX; se traballas con ERP, quedan corrixidos tamén alí.

Panel de envíos, cada un co seu estado

O transportista recibe unha ligazón e escribe a matrícula

En canto a pon, o documento queda emitido
O transportista pon a matrícula desde o seu móbil
Chégalle unha ligazón por WhatsApp ou por email. Ábrea, escribe a matrícula e listo, sen usuario nin contrasinal.
Emítese o DeCA con QR
Cos datos completos, o documento emítese só. Imprímese ou o condutor lévao no móbil; quen o inspecciona escanea o QR e ve a versión vixente.
Se algo cambia, nova versión
Un remolque distinto ou un enderezo corrixido xeran unha versión nova, e o QR leva sempre a ela. Ao día seguinte da saída, o envío péchase só.

O DeCA que leva o condutor
O que fai por ti
- Con ou sen ERP
- Os envíos chegan sós desde o ERP, ou dánse de alta a man no panel.
- Corríxese na orixe
- O que falta ou está mal arránxase desde DECAX e, se tes ERP, queda gardado tamén alí.
- Matrícula desde o móbil
- O transportista ponna cunha ligazón e o documento emítese só.
- QR sempre vixente
- Con historial de versións e o que cambiou, riscado.
- Avisos a tempo
- Avísate se un envío vai saír sen documento.
- Tamén sen internet
- Se cae a conexión da oficina, emite o DeCA igualmente e súbeo cando volve.
- Desde o teu correo
- O email ao transportista pode saír desde o enderezo da túa empresa.
- Perfís de usuario
- Administración, expedición e só consulta.
Co teu ERP ou sen el
DECAX é un produto independente e non necesita ERP: os envíos pódense dar de alta a man no panel. Se traballas con Innex, funciona directamente: Innex pásalle as saídas e recibe de volta a matrícula e o documento. Cun ERP instalado na túa oficina conéctase a través dun pequeno programa que se instala alí; pregúntanos se o teu é compatible.
- Panel web, tamén desde o móbil
- Páxina para o transportista, no seu móbil
- Conexión co ERP desde a túa oficina (Windows), se a necesitas
Para quen
Para calquera empresa que expide mercadoría por estrada, teña ERP ou non. Os primeiros en usalo son salas de despece e matadoiros de Galicia.
Cantos documentos tecleades cada día?
Ensinámosche DECAX nunha demo de 30 minutos, con envíos coma os teus.