
Kronox: a app de control horario para o persoal das empresas que usan Innex
Kronox permite fichar desde o móbil por QR, GPS, NFC ou Bluetooth e consultar quendas, gastos, vacacións e nóminas. Sen publicidade nin analítica de terceiros.
Kronox é a aplicación de control horario de INNEBO para as persoas traballadoras das empresas que utilizan Innex, a nosa plataforma de xestión. Está dispoñible para iOS e Android.
Catro formas de fichar
A empresa decide cales activa segundo o que teña en cada centro de traballo:
- Código QR: escanéase o do centro de traballo.
- Localización GPS: con verificación do lugar de fichaxe, só no momento de fichar e coa app aberta.
- Tarxeta NFC: achégase a tarxeta vinculada á conta.
- Bluetooth: detección automática do posto de traballo.
Todo o día a día laboral
- Última fichaxe e quenda de hoxe, dunha ollada, e cadrante de quendas.
- Gastos, con foto do xustificante.
- Solicitudes de vacacións e permisos.
- Nóminas en PDF e anuncios da empresa.
Privacidade
Antes de fichar pódese confirmar a identidade con Face ID, Touch ID ou pegada dixital; esa verificación faina o propio dispositivo e Kronox nunca accede aos datos biométricos. A localización só se consulta ao fichar e coa app aberta: non hai seguimento en segundo plano, nin publicidade, nin analítica de terceiros.
É unha app de uso laboral
Non se pode crear unha conta desde a app. A empresa dá de alta a persoa en Innex, coa súa ficha de empregado, e facilítalle un PIN de 6 díxitos. Instálase Kronox, introdúcese o PIN e o móbil queda vinculado.
Queres ver como encaixa na túa empresa? Consulta a ficha de Kronox ou escríbenos.